Presidenti i Donald Trump deklaroi se lufta e Shteteve të Bashkuara dhe Izraelit kundër Irani duket se është drejt fundit dhe mund të përfundojë “shumë shpejt”, edhe pse ai nuk dha një datë të saktë për përfundimin e operacioneve ushtarake. Trump tha se forcat amerikane dhe izraelite janë shumë përpara në arritjen e objektivave të tyre krahasuar me planet fillestare dhe e përshkroi konfliktin si një “eksursion afatshkurtër”.
Ai theksoi se forcat iraniane janë dobësuar ndjeshëm, ndërsa Shtetet e Bashkuara kanë goditur mijëra objektiva ushtarake dhe infrastrukturore që nga fillimi i konfliktit më 28 shkurt, një fushatë që ka përfshirë edhe goditjen e bazave kryesore ushtarake të Iranit.
Megjithatë, Trump paralajmëroi se sulmet nuk do të ndalen derisa objektivat strategjike të jenë arritur plotësisht, duke nënvizuar se Shtetet e Bashkuara dhe Izraeli synojnë një “fitore përfundimtare”. Analistët vërejnë se deklaratat e tij kanë lëkundje – nga ideja e një përfundimi të afërt deri te vazhdimi i presionit ushtarak.
Komentet e tij erdhën pas një periudhe tensioni në tregjet globale të naftës dhe pas një rritjeje të çmimeve të energjisë si pasojë e konfliktit dhe shqetësimeve për furnizimin ndërkombëtar.
Konflikti ka shkaktuar shqetësime të mëdha politike dhe ekonomike në mbarë botën, ndërsa diskutimet për një strategji të qartë të përfundimit të luftës vazhdojnë të nxisin debate në nivele të larta në SHBA dhe aleatët e saj.