Tenistja turke Zeynep Sonmez ka njoftuar përfundimin e bashkëpunimit me Turkish Airlines, pas diskutimeve për sponsorimin e sezonit 2026.
Sonmez, numri 1 i Turqisë në single, falënderoi kompaninë ajrore për mbështetjen, duke theksuar se ishte nder për të përfaqësuar kompaninë kombëtare në turne të rëndësishëm si Australian Open, Mubadala Abu Dhabi dhe Qatar Open.
Vendimi vjen pak pasi Turkish Airlines prezantoi tenisten kineze Zheng Qinwen si ambasadore të re globale të markës.
Ndarja e Zeynep Sonmez me Turkish Airlines ka ngritur pikëpyetje, pasi vjen menjëherë pas sezonit më të suksesshëm në karrierën e saj.
23-vjeçarja u bë lojtarja e parë që përfaqëson Turqinë që arriti në raundin e tretë të një Grand Slami në Wimbledon Championships në vitin 2025, sukses që e përsëriti edhe në Australian Open këtë vit si kualifikuese.
Ajo gjithashtu udhëhoqi Turqinë drejt një fitoreje historike ndaj Gjermanisë në paraqitjen e parë në “play-off”-et e Billie Jean King Cup.
Sonmez arriti renditjen më të lartë në karrierë, vendin e 69-të në botë në tetor 2025, ndërsa aktualisht asnjë tenist tjetër turk – në WTA apo ATP – nuk renditet në Top 300.
Lajmi vjen pak ditë pasi Turkish Airlines prezantoi Zheng Qinwen si ambasadore të re globale të markës.